Kufa, kwasemoyeni

Ukwahlulwa kuThixo neempembelelo Zakhe; ukufa kwizinto ezinje ngokuphathelele ebulungiseni. ULusifa nesiqingatha sesithathu sezihlwele zasezulwini babulalekela ukufa kwasemoyeni xa babephoselwa ngaphandle kwasezulwini (I&M 29:36–37).

Ukufa kwasemoyeni kwaziswa emhlabeni kuKuwa kuka-Adam (Moses 6:48). Abafayo abaneengcinga ezimbi, amazwi, nemisebenzi bafile ngokwasemoyeni nakuba ngathi basadla ubomi emhlabeni (Ⅰ Tim. 5:6). Ngentlawulelo kaYesu Krestu nangokuthobela imigaqo nemimiselo yevangeli, amadoda nabafazi banako ukuya becoceka esonweni nasekoyiseni ukufa ngokwasemoyeni.

Ukufa kwasemoyeni kanjalo kwenzeka kulandela ukufa komzimba ofayo. Kunye iziqu ezivukileyo nomtyholi neengelosi zakhe baya kugwetya. Abo bathe bavukela ngokuzithandela ngokuchasene nokukhanya nenyaniso yevangeli baya kufumana ukufa kwasemoyeni. Oku kufa kusoloko kusithiwa kukufa kwesibini (Alma 12:16; Hil. 14:16–19; I&M 76:36–38).

Abantu bakhululekile ukukhetha inkululeko nobomi obungunaphakade okanye ukukhetha ukuthinjwa nokufa, 2 Nif. 2:27 (2 Nif. 10:23; Alma 29:5; Hil. 14:30–31).
UThixo usilungiselele indlela yokuphuncuka ekufeni nasesihogweni, 2 Nif. 9:10.
Zikhululeni ezintlungwini zesihogo ukuze ningabi nakufumana kufa kwesibini, Yakobi 3:11.
Umntu wemvelo ulutshaba kuThixo, Moz. 3:19.
Yanga iNkosi inganikela kuni inguquko ukuze ningabi nakuhlungiswa kukufa kwesibini, Alma 13:30.
UAlma wayerhangqwe ngapha nangapha ngamatyathanga angunaphakade okufa, Alma 36:18.
Abakhohlakeleyo bafa ngokwezinto eziphathelele ebulungiseni, Alma 40:26 (Alma 12:16).
UKuwa kwazisa phezu kwalo lonke uluntu ukufa kwasemoyeni, Alma 42:9 (Hil. 14:16–18).