Mnquba

Indlu yeNkosi, umbindi wonqulo lwakaSirayeli ngethuba leMfuduko esuka eYiputa. Umnquba wawuyitempile ephathwayo ngokwenene kwaye unokuchithwa uze ubuye udityaniswe. Abantwana bakaSirayeli basebenzisa umnquba bade bakha itempile kaSolomon (I&M 124:38).

UThixo watyhila umfuziselo womnquba kuMoses (Eks. 26–27), kwaye ke abantwana bakaSirayeli bawakha ngokwaloo mfuziselo (Eks. 35–40). Xa umnquba wagqitywayo, ilifu lagubungela intente, baza ubuqaqawuli beNkosi bawuzalisa umnquba (Eks. 40:33–34). Ilifu lalingumqondiso wobukho bukaThixo. Ebusuku, lalinembonakalo yomlilo. Xa ilifu lahlala phezu kwentente, abantwana bakaSirayeli bamisa intente. Xa lisusiwe, babenduluka nalo (Eks. 40:36–38; Num. 9:17–18). Abantwana bakaSirayeli babephatha umnquba kunye nabo ngethuba lokujikeleza kwabo entlango naseloyisweni lwabo lwelizwe laseKanan. Emva koloo loyiso, umnquba wawumiswe eShilo, indawo iNkosi eyathi yayonyula (Yosh. 18:1). Emva kokuba abantwana bakaSirayeli bakha itempile kaSolomon, umnquba wathi shwaka ngokupheleleyo kwezembali.

INkosi noIsaya basebenzisa umnquba njengomqondiso wezixeko zeZiyon neYerusalem ngexesha lokuBuya kweSibini kweNkosi (Isaya 33:20; Moses 7:62).