Yesu Krestu

Krestu (igama lesiGrike) noMesiya (igama lesiHebhere) lithetha “othanjisiweyo.” UYesu Krestu liZibulo likaBawo emoyeni (Heb. 1:6; I&M 93:21). Ungo Kuphela koZelweyo kaYise enyameni (Yoh. 1:14; 3:16). UnguYehova (I&M 110:3–4) kwaye wayemiselwe ngaphambili kubizo Lwakhe olukhulu phambi kwendalo yehlabathi. Phantsi kolawulo lukaYise, uYesu wadala umhlaba nezinto zonke ezikuwo (Yoh. 1:3, 14; Moses 1:31–33). Wazalwa nguMariya eBhetelehem, waphila ubomi obungenasono, kwaye wenza nentlawulelo yezono zalo lonke uluntu ngokuphalaza igazi Lakhe waza wanikela ngobomi Bakhe emnqamlezweni (Mat. 2:1; 1 Nif. 11:13–33; 3 Nif. 27:13–16; I&M 76:40–42). Wavuka ekufeni, njalo eqinisekisa uvuko lokugqibela lwalo lonke uluntu. NgeNtlawulelo kaYesu noVuko, abo baguqukayo ezonweni zabo baze bathobele imiyalelo kaThixo banako ukuphila ngonaphakade kunye noYesu noYise (2 Nif. 9:10–12; 21–22; I&M 76:50–53, 62).

UYesu Krestu sesona siqu sikhulu esazalelwa kulo mhlaba. Ubomi bakhe bungumzekelo egqibeleleyo wokuba uluntu lumele ukuphila njani. Yonke imithandazo, iintsikelelo, nemimiselo yobubingeleli imele ukwenziwa egameni Lakhe. UyiNkosi yeenkosi, uKumkani wookumkani, uMdali, uMsindisi, noThixo wehlabathi lonke.

UYesu Krestu uya kuza kwakhona esemandleni nasebuqaqawulini ezokulawula emhlabeni ngethuba leMileniyam. Ngomhla wokugqibela, Yena uya kugweba lonke uluntu (Alma 11:40–41; JS—Mateyu 1).

Isishwankathelo sobomi Bakhe (ngolandelelwano lweziganeko)

Ukuzalwa kukaYesu nomsebenzi zaxelwa kwangaphambili, Luka 1:26–38 (Isaya 7:14; 9:6–7; 1 Nif. 11).
Wazalwa, Luka 2:1–7 (Mat. 1:18–25).
Waluswa, Luka 2:21.
Waziswa etempileni, Luka 2:22–38.
Watyelelwa zizazi, Mat. 2:1–12.
UYosefu noMariya basabela eYiputa kunyenaye, Mat. 2:13–18.
Waziswa eNazarete, Mat. 2:19–23.
Watyelela itempile eneminyaka elishumi elinesibini, Luka 2:41–50.
Wayenabantakwabo noodade, Mat. 13:55–56 (Marko 6:3).
Wabhaptizwa, Mat. 3:13–17 (Marko 1:9–11; Luka 3:21–22).
Wahendwa ngumtyholi, Mat. 4:1–11 (Marko 1:12–13; Luka 4:1–13).
Wabiza abafundi bakhe, Mat. 4:18–22 (Mat. 9:9; Marko 1:16–20; 2:13–14; Luka 5:1–11, 27–28; 6:12–16; Yoh. 1:35–51).
Wagunyazisa abaLishumi elineSibini, Mat. 10:1–4 (Marko 3:13–19; Luka 6:12–16).
Wanika iNtshumayelo eNtabeni, Mat. 5–7.
Wakuxela kwangaphambili ukufa kwakhe novuko, Mat. 16:21 (Mat. 17:22–23; 20:17–19; Marko 8:31; 9:30–32; 10:32–34; Luka 9:22; 18:31–34).
Wenziwa kumila kumbi, Mat. 17:1–9 (Marko 9:2–8; Luka 9:28–36).
Wathumela phambili abangamashumi asixhenxe, Luka 10:1–20.
Wenza ukungena koloyiso lwakhe eYerusalem, Mat. 21:1–11 (Marko 11:1–11; Luka 19:29–40; Yoh. 12:12–15).
Waqalisa umthendeleko, Mat. 26:26–29 (Marko 14:22–25; Luka 22:19–20).
Wabulaleka kwaye wathandaza eGetsemane, Mat. 26:36–46 (Marko 14:32–42; Luka 22:39–46).
Wangcatshwa, wabanjwa, waza washiywa, Mat. 26:47–56 (Marko 14:43–53; Luka 22:47–54; Yoh. 18:2–13).
Wabethelelwa emnqamlezweni, Mat. 27:31–54 (Marko 15:20–41; Luka 23:26–28, 32–49; Yoh. 19:16–30).
Wavuka, Mat. 28:1–8 (Marko 16:1–8; Luka 24:1–12; Yoh. 20:1–10).
Wabonakala emva kovuko lwakhe, Mat. 28:9–20 (Marko 16:9–18; Luka 24:13–48; Yoh. 20:11–31; Izenzo 1:3–8; Ⅰ Kor. 15:5–8).
Wenyukela emazulwini, Marko 16:19–20 (Luka 24:51–53; Izenzo 1:9–12).

Gweba

Igunya

UYesu wafundisa njengonegunya, Mat. 7:28–29 (Marko 1:22).
UNyana woMntu unegunya emhlabeni lokuxolela izono, Mat. 9:6.
UYesu wayalela oomoya abangcolileyo ngegunya baze bamthobela, Marko 1:27 (Luka 4:33–36).
UYesu wamisela abalishumi elinesibini babe negunya, Marko 3:14–15.
Ilizwi likaYesu lalinegunya, Luka 4:32.
UYise ugunyazise wonke umgwebo kuNyana, Yoh. 5:22, 27.
UThixo wathambisa uYesu ngoMoya oyiNgcwele nangamandla, Izenzo 10:38.
UKrestu wamiselwa kwangaphambili phambi kwesiseko sehlabathi, Ⅰ Petr. 1:20 (Etere 3:14).
UKrestu unezitshixo zesihogo nokufa, Isityh. 1:18.

Iintlobo okanye imiqondiso kaKrestu

UAbheli wanikela ngamazibulo omhlambi wakhe, Gen. 4:4 (Moses 5:20).
Thabatha unyana wakho ekuphela kwakhe uIsake, uze umnikele abe ngumnikelo, Gen. 22:1–13 (Yakobi 4:5).
INkosi yayalela abantwana bakaSirayeli benze idini ngamaxhwane angenasiphako, Eks. 12:5, 21, 46 (Num. 9:12; Yoh. 1:29; 19:33; Ⅰ Petr. 1:19; Isityh. 5:6).
Esi sisonka iNkosi esinike ukuba nisitye, Eks. 16:2–15 (Yoh. 6:51).
Betha iliwa, kwaye kuya kuphuma amanzi kulo, ukuze abantu babe nokusela, Eks. 17:6 (Yoh. 4:6–14; Ⅰ Kor. 10:1–4).
Ibhokhwe iya kubuthwala phezu kwayo bonke ubugwenxa babo, Lev. 16:20–22 (Isaya 53:11; Moz. 14:11; 15:6–9).
UMoses wayiphakamisa inyoka yobhedu ekusindiseni abo bajonga kuyo, Num. 21:8–9 (Yoh. 3:14–15; Alma 33:19; Hil. 8:14–15).
UYona wayesesiswini sentlanzi iintsuku ezintathu, Yona 1:17 (Mat. 12:40).

Intloko yeBandla

Iziprofetho ngokuzalwa nokufa kukaYesu Krestu

Ubukho kubomi bangaphambili bukaKrestu

Ubungqina obunikwa ngoYesu Krestu

Ubuqaqawuli bukaYesu Krestu

Ukubonakala emva komzimba onokufa kukaKrestu

Xa uYesu wavukayo, wabonakala kuqala kuMariya, Marko 16:9 (Yoh. 20:11–18).
UYesu wahamba waza wathetha nababini babafundi endleleni eya e-Emawusi, Luka 24:13–34.
UYesu wabonakala kuBapostile, abeva izandla zakhe neenyawo, Luka 24:36–43 (Yoh. 20:19–20).
UYesu wabonakala kuTomas, Yoh. 20:24–29.
UYesu wabonakala kubafundi kulwandle lwaseTibheriya, Yoh. 21:1–14.
UYesu walungiselela iintsuku ezingamashumi amane emva kovuko lwakhe, Izenzo 1:2–3.
UStefano wabona uYesu emi ngasekunene kukaThixo, Izenzo 7:55–56.
UYesu wabonakala kuSawule, Izenzo 9:1–8 (GJS, Izenzo 9:7; Izenzo 26:9–17).
UKrestu wabonwa ngabantu abangaphezulu kwama-500, Ⅰ Kor. 15:3–8.

Ukuthathela igama likaYesu Krestu phezu kwethu

Ngqinani ukuba niyavuma ukuthabathela kuni igama likaKrestu ngobhaptizo, 2 Nif. 31:13.
Ndinga ningathabathela kuni igama likaKrestu, Moz. 5:6–12 (Moz. 1:11).
Nobanina ababenqwenela ukuthabathela kubo igama likaKrestu bazibandakanya neBandla likaThixo, Moz. 25:23.
Bonke abo babengamakholwa okwenene kuKrestu bathabathela kubo igama likaKrestu, Alma 46:15.
Isango lezulu livuliwe kwabo baya kukholelwa egameni likaYesu Krestu, Hil. 3:28.
Usikelelekile lowo ufunyenwe ethembekile kulo igama lam ngomhla wokugqibela, Etere 4:19.
Bayavuma ukuthabathela kubo igama loNyana, Moro. 4:3 (I&M 20:77).