Elisa

Mpaminany iray ao amin’ny Testamenta Taloha, avy amin’ny Fanjakan’i Isiraely Avaratra ary mpanolotsaina nitokian’ny maro tamin’ireo mpanjakan’ny firenena.

Elisa dia malemy fanahy sy be fitiavana, tsy nanana an’ilay risi-po mivaivay izay nampiavaka an’i Elia tompony izy. Ny fahagagana misongadina nataony (2 Mpan. 2–5; 8) dia vavolombelona fa nandray marina tokoa ny fahefan’i Elia izy rehefa nandimby azy ho mpaminany (2 Mpan. 2:9–12). Fa izy, ohatra, dia nanasitrana ny loharano tamin’ny ngidiny, nampisaraka roa ny Renirano Jordana, nampitombo ny diloilon’ilay mananontena, nanangana zazalahy tamin’ny maty, nanasitrana lehilahy iray tamin’ny habokana, nampitsikafona lelam-pamaky, nampanjambena ny Siriana (2 Mpan. 2–6). Naharitra dimampolo taona mahery ny asa fanompoany, nandritra ny nanjakan’i Jehorama, i Jeho, i Joahaza ary i Joasy.