Môrônia, Zanakalahin’i Môrmôna

Mpaminany Nefita farany ao amin’ny Bokin’i Môrmôna (tokony ho ny 421 taona taorian’i Kristy). I Môrmôna talohan’ny hahafatesany dia nanome an’i Môrônia zanany lahy ny rakitantara antsoina hoe takelak’i Môrmôna (TiM 1:1). I Môrônia no namarana ny fanangonana ny takelak’i Môrmôna. Izy no nanovana ny toko faha-8 sy faha-9 amin’ny bokin’i Môrmôna (Môrm. 8:1). Izy no namintina sy nampiditra ny bokin’i Etera (Ete. 1:1–2) ary nampiany ny bokiny manokana izay antsoina hoe ny bokin’i Môrônia (Môrô. 1). Nasian’i Môrônia tombokase ireo takelaka ary nafeniny teo amin’ny tendrombohitr’i Komôrà (Môrm. 8:14; Môrô. 10:2). Tamin’ny taona 1823, dia nirahina tamin’ny endrika olona tafatsangana tamin’ny maty i Môrônia hanambara ny Bokin’i Môrmôna amin’i Joseph Smith (F&F 27:5; JS—T 1:30–42, 45). Nampianatra isan-taona ilay mpaminany tanora izy nanomboka tamin’ny taona 1823 ka hatramin’ny taona 1827 (JS—T 1:54), ary farany dia nanome azy ireo takelaka ny taona 1827 (JS—T 1:59). Naverin’i Joseph Smith tamin’i Môrônia ireo takelaka rehefa vita ny fandikana azy.