Mpitsara, Bokin’ny

Boky iray ao amin’ny Testamenta Taloha. Ny bokin’ny Mpitsara dia miresaka ny amin’ny Isiraelita, nanomboka tamin’ny nahafatesan’i Josoa ka hatramin’ny nahaterahan’i Samoela.

Toko 1–3: teny fanolorana ho an’ny bokin’ny Mpitsara iray manontolo. Hazavainy ny antony tsy nandresen’ny Isiraelita ny fahavalony (Mpits. 1:16–35), tsy maintsy miaritra ny vokatry ny fahaverezan’ny finoany sy ny fanambadiany tsy mpino ary ny fanompoany sampy ny Isiraelita. Toko 4–5: mitantara ny amin’i Debora sy Baraka izay nanafaka an’i Isiraely tamin’ny Kananita. Toko 6–8: mirakitra ny traikefa mampitombo finoana nananan’i Gideona izay notahian’ny Tompo hanafaka an’i Isiraely tamin’ny Medianita. Toko 9–12: lehilahy maro samihafa no nitsara ny Isiraely nandritra ny fotoana izay naha-tao anatin’ny apôstazia sy nitondran’ny mpitondra vahiny ny ankamaroan’ny Isiraelita. Toko 13–16: mitantara ny nisandratan’i Samsona mpitsara farany sy ny nianjerany. Ny toko farany 17–21 dia azo lazaina ho toy ny teny famaranana izay manambara ny halalin’ny fahotan’ny Isiraely.