Geloof, Glo

Om geloof te hê in iemand of om iets te aanvaar as waar. ’n Mens moet bekeer en glo in Jesus Christus ten einde gered te word in die koninkryk van God (L&V 20:29).

Vertroue in iets of iemand. Soos meer dikwels gebruik word in die skrifture, is geloof sekerheid en vertroue in Jesus Christus wat ’n persoon lei om Hom te gehoorsaam. Geloof moet gewortel wees in Jesus Christus sodat dit ’n persoon kan lei na heil. Heiliges van die Laaste Dae het ook geloof in God die Vader, die Heilige Gees, priesterskapmag en ander belangrike aspekte van die herstelde evangelie. Geloof sluit in ’n hoop op dinge wat nie gesien word nie, maar wat waar is (Hebr. 11:1; Alma 32:21; Ether 12:6). Geloof begin deur die aanhoor van die evangelie wat onderrig word deur gevolmagtigde administrateurs wat gestuur is deur God (Rom. 10:14–17). Wonderwerke produseer nie geloof nie, maar sterk geloof word ontwikkel deur gehoorsaamheid aan die evangelie van Jesus Christus. Met ander woorde, geloof kom deur regverdigheid (Alma 32:40–43; Ether 12:4, 6, 12; L&V 63:9–12).

Ware geloof bring wonderwerke, visioene, drome, genesings en al die gawes van God wat Hy aan sy heiliges gee. Deur geloof verkry ’n mens vergifnis van sondes en is uiteindelik in staat om in God se teenwoordigheid te woon. ’n Gebrek aan geloof lei ’n mens na wanhoop, wat kom vanweë ongeregtigheid (Moro. 10:22).

7. Laat dit vir jou wees soos jy geglo het, Matt. 8:13.
Jou geloof het jou gered, Matt. 9:22 (Mark. 5:34; Lk. 7:50).
Laat dit vir julle wees volgens julle geloof, Matt. 9:29.
As julle geloof het soos ’n mosterdsaad, sal niks vir julle onmoontlik wees nie, Matt. 17:20 (Lk. 17:6).
Alles wat julle in die gebed vra, sal julle ontvang as julle glo, Matt. 21:22.
Moenie vrees nie, glo net, Mark. 5:36.
Alle dinge is moontlik vir die een wat glo, Mark. 9:23–24.
Hy wat glo en gedoop word, sal gered word, Mark. 16:16 (2 Ne. 2:9; 3 Ne. 11:33–35).
Ek het vir jou gebid, dat jou geloof nie ophou nie, Lk. 22:32.
Hy wat glo in die Seun het die ewige lewe, Joh. 3:16, 18, 36 (Joh. 5:24; L&V 10:50).
Ons het geglo en erken dat U die Christus is, Joh. 6:69.
Wie in My glo, sal lewe al het hy ook gesterwe, Joh. 11:25–26.
Geloof in Christus se Naam het hierdie man sterk gemaak, Hand. 3:16.
Geloof kom deur die woord van God te hoor, Rom. 10:17.
As Christus nie opgewek is nie, dan is julle geloof ook vergeefs, 1 Kor. 15:14.
Geloof werk deur liefde, Gal. 5:6.
Want uit genade is julle gered, deur die geloof, Efés. 2:8 (2 Ne. 25:23).
Neem die skild van die geloof op, Efés. 6:16 (L&V 27:17).
Ek het die wedloop voleindig; ek het die geloof behou, 2 Tim. 4:7.
Ons wat geglo het, gaan die rus in, Hebr. 4:3.
Die geloof dan is ’n vaste vertroue op die dinge wat ons hoop, Hebr. 11:1.
Sonder geloof is dit onmoontlik om God te behaag, Hebr. 11:6.
Die geloof, as dit geen werke het nie, is dood, Jak. 2:17–18, 22.
Glo in Jesus Christus, en wees lief vir mekaar, 1 Joh. 3:23.

Ek sal heengaan en die dinge doen wat die Here gebied het, 1 Ne. 3:7.
Die Here is in staat om alle dinge te doen vir die kinders van mense as hulle geloof in Hom beoefen, 1 Ne. 7:12.
Die wysers in die Liahona het gewerk volgens geloof, 1 Ne. 16:28.
Die Messias sal niemand vernietig wat in Hom glo nie, 2 Ne. 6:14.
Bekeer, en word in sy Naam gedoop, deur ’n volmaakte geloof in die Heilige Een te hê, 2 Ne. 9:23.
Die Jode sal vervolg word totdat hulle oorreed word om in Christus te glo, 2 Ne. 25:16.
Christus bewerk magtige wonderwerke onder die kinders van mense volgens hulle geloof, 2 Ne. 26:13 (Ether 12:12; Moro. 7:27–29, 34–38).
Enos se sondes is vergewe vanweë sy geloof in Christus, Enos 1:3–8.
Heil kom nie na so een nie behalwe as dit is deur geloof in die Here Jesus Christus, Mosia 3:12.
As julle hierdie dinge glo, sien dat julle hulle doen, Mosia 4:10.
Harte word verander deur geloof in sy Naam, Mosia 5:7.
Die gebede van God se diensknegte word beantwoord volgens hulle geloof, Mosia 27:14.
Die Seun sal die oortredings van diegene wat in sy Naam glo op Hom neem, Alma 11:40.
Gee ons krag volgens ons geloof in Christus, Alma 14:26.
Roep God se naam aan in geloof, Alma 22:16.
Geseënd is hy wat glo in die woord van God sonder om gedwing te word, Alma 32:16.
Geloof is nie om ’n volmaakte kennis te hê van dinge nie, Alma 32:21 (Ether 12:6).
As julle niks meer kan as begeer om te glo nie, laat hierdie begeerte werk in julle, Alma 32:27.
As dit begin om te swel, versorg dit net so deur julle geloof, Alma 33:23 (Alma 32:28).
Hulle behoud was toe te skryf aan die wonderbaarlike mag van God vanweë hulle uitermate geloof, Alma 57:25–27.
Soveel as wat die Seun van God aanskou in geloof, mag lewe, Hel. 8:15.
As julle glo in Christus se naam, sal julle bekeer, Hel. 14:13.
Diegene wat glo in Christus, glo ook in die Vader, 3 Ne. 11:35.
Ek sien dat julle geloof voldoende is sodat Ek julle kan genees, 3 Ne. 17:8.
Nooit het die mens in die Here geglo soos die broer van Jered gedoen het nie, Ether 3:15.
Geloof is dinge waarop gehoop word en nie gesien word nie, Ether 12:6.
Al diegene wat wonderwerke verrig het, het hulle verrig deur geloof, Ether 12:12–18.
As hulle geloof in My het, dan sal Ek swak dinge sterk maak vir hulle, Ether 12:27–28, 37.
Mormon het geleer van geloof, hoop en liefde, Moro. 7.
Elke ding wat oorreed om te glo in Christus, Moro. 7:16–17.
Watter ding julle die Vader sal vra in my Naam, wat goed is, in geloof en glo dat julle sal ontvang, sien, dit sal vir julle gedoen word, Moro. 7:26.
Hulle wat geloof het in Christus, sal vashou aan elke goeie ding, Moro. 7:28.
As julle sal vra, met geloof in Christus, sal Hy die waarheid openbaar, Moro. 10:4.

Diegene wat glo in die Here se woorde sal ’n openbaring gegee word van die Gees, L&V 5:16.
Sonder geloof kan julle niks doen nie; vra daarom in geloof, L&V 8:10.
Dit behoort aan hulle gegun te word volgens hulle geloof in hul gebede, L&V 10:47, 52.
Diegene wat glo in die Here se naam sal kinders van God word, L&V 11:30 (Joh. 1:12).
Alle mense moet volhard in geloof in sy Naam tot die einde toe, L&V 20:25, 29.
Die Gees sal aan julle gegee word deur die gebed van geloof, L&V 42:14.
Aan sommiges is dit gegee om in ander se woorde te glo, L&V 46:14.
Tekens volg diegene wat glo, L&V 58:64 (L&V 63:7–12).
Geloof kom nie deur tekens nie, maar tekens volg diegene wat glo, L&V 63:9–12.
Ouers moet kinders geloof in Christus leer, L&V 68:25.
Soek geleerdheid, en wel deur studie en ook deur geloof, L&V 88:118.