Slang, Koper

’n Koperslang wat deur Moses gemaak is op God se bevel om die Israeliete te genees wat deur giftige slange gebyt is in die woestyn (Núm. 21:8–9). Hierdie koperslang was aan ’n paal vasgemaak “en opgehef sodat wie ook al daarna kyk, mag lewe” (Alma 33:19–22). Die Here het na die verhoging van die slang in die woestyn verwys as ’n simbool van Homself wat verhoog is op die kruis (Joh. 3:14–15). Openbarings van die laaste dae bevestig die verslag van die giftige slang en hoe die mense genees is (1 Ne. 17:41; 2 Ne. 25:20; Hel. 8:14–15).