អ័ដាម

ជាមនុស្សទី១ ដែលបានបង្កើតមកនៅលើផែនដី។

លោកអ័ដាមជាឪពុក និងជាអយ្យកោនៃមនុស្សលោកនៅលើផែនដី។ ការរំលងរបស់លោកនៅក្នុងសួនច្បារអេដែន (លោកុ. ៣; គ. និង ស. ២៩:៤០–៤២; ម៉ូសេ ៤) បានបណ្ដាលឲ្យលោក « ធ្លាក់ » ហើយក្លាយទៅជាមនុស្សលោក ដែលជាជំហានមួយដ៏ចាំបាច់សម្រាប់ឲ្យមនុស្សលោកជឿនលឿននៅលើផែនដី (២ នីហ្វៃ ២:១៤–២៩; អាលម៉ា ១២:២១–២៦)។ ហេតុដូច្នេះហើយ លោកអ័ដាម និងនាងអេវ៉ាគួរតែបានទទួលកិត្តិយស ចំពោះតួនាទីរបស់ពួកគេ ក្នុងការធ្វើឲ្យយើងរាល់គ្នាមានលទ្ធភាពក្នុងការចម្រើនឡើងដ៏អស់កល្បជានិច្ច។ លោកអ័ដាម គឺជាអ្នកពីចាស់បុរាណ ហើយក៏ស្គាល់ថា មីកែល ដែរ (ដានី. ៧; គ. និង ស. ២៧:១១; ១០៧:៥៣–៥៤; ១១៦; ១៣៨:៣៨)។ លោកជាមហាទេវតា ហើយនឹងយាងមកឯផែនដីម្ដងទៀត ជាអយ្យកោនៃគ្រួសារមនុស្សលោក ដើម្បីប្រុងប្រៀបទទួលការយាងមកលើកទីពីររបស់ព្រះយេស៊ូវគ្រីស្ទ (គ. និង ស. ២៩:២៦)។

ព្រះទ្រង់បានបង្កើតមនុស្សឲ្យដូចរូបអង្គទ្រង់លោកុ. ១:២៦–២៨ ម៉ូសេ ២:២៦–២៨ អ័ប្រា. ៤:២៦–២៨
ព្រះទ្រង់បានប្រទានឲ្យមនុស្សមានអំណាចលើគ្រប់ទាំងអស់ ហើយបានបញ្ជាគេឲ្យបង្កើតកូនឲ្យចម្រើនជាច្រើនឡើងឲ្យមានពាសពេញលើផែនដីលោកុ. ១:២៨–៣១ ម៉ូសេ ២:២៨–៣១ អ័ប្រា. ៤:២៨–៣១
ព្រះទ្រង់បានដាក់លោកអ័ដាម និងនាងអេវ៉ាឲ្យនៅក្នុងសួនច្បារអេដែន ហើយបានហាមឃាត់ពួកគេមិនឲ្យបរិភោគផ្លែហាមឃាត់លោកុ. ២:៧–៩, ១៥–១៧ ម៉ូសេ ៣:៧–៩, ១៥–១៧ អ័ប្រា. ៥:៧–១៣
លោកអ័ដាមបានឲ្យឈ្មោះដល់គ្រប់អស់ទាំងសត្វដែលមានជីវិតលោកុ. ២:១៩–២០ ម៉ូសេ ៣:១៩–២០ អ័ប្រា. ៥:២០–២១
លោកអ័ដាម និងនាងអេវ៉ាបានរៀបការគ្នាដោយព្រះលោកុ. ២:១៨–២៥ ម៉ូសេ ៣:១៨–២៥ អ័ប្រា. ៥:១៤–២១
លោកអ័ដាម និងនាងអេវ៉ាត្រូវអារក្សសាតាំងល្បួង បានបរិភោគផ្លែនៃដើមដឹងខុសត្រូវ ហើយត្រូវបានដេញចេញពីសួនច្បារអេដែនលោកុ. ៣ ម៉ូសេ ៤
លោកអ័ដាម មានអាយុ ៩៣០ ឆ្នាំ កាលលោកទទួលមរណភាពលោកុ. ៥:៥ ម៉ូសេ ៦:១២