Alpabetikong Talaan ng mga Paksa
Paano Gamitin. Ang Gabay sa mga Banal na Kasulatan ay isang alpabetikong talaan ng mga paksa sa ebanghelyo. Ito ay nagbibigay ng isang maikling pagpapaliwanag ng bawat paksa at nagkakaloob ng mga pinakamahalagang sanggunian tungkol sa paksang ito. Ang bawat sanggunian ay pinangungunahan ng isang maliit na sipi o buod ng banal na kasulatan. Ang mga sanggunian ng banal na kasulatan ay makikita sa sumusunod na pagkakasunud-sunod: Lumang Tipan, Bagong Tipan, Aklat ni Mormon, Doktrina at mga Tipan, at ang Mahalagang Perlas. Ang sumusunod na banghay ay nagpapaliwanag ng isang halimbawang tala.
Mundo
Ang planeta kung saan tayo naninirahan, na nilikha ng Diyos sa pamamagitan ni Jesucristo upang magamit ng tao sa panahon ng kanyang pagsubok sa buhay na ito. Ang kahahantungan nito sa huli ay kaluwalhatian at kadakilaan (D at T 77:1–2; 130:8–9). Ang mundo ang magiging walang hanggang pamana ng mga yaong nabuhay na karapat-dapat sa isang selestiyal na kaluwalhatian (D at T 88:14–26). Kanilang matatamasa ang mamuhay sa kinaroroonan ng Ama at ng Anak (D at T 76:62).
Nilikha para sa tao
Pasko ng Pagkabuhay
Katapusan ng Daigdig
Ang mga paksa ay nasusulat sa maririin at malalaking titik.
May maikling paliwanag sa bawat paksa.
Ang ilang paksa ay may mga kaugnay na talaan. Ang mga ito ay nasa tipong italica.
Ang mga may kaugnayang sanggunian sa banal na kasulatan ay ibinibigay sa mga panaklong.
Paminsan-minsan ang kaalaman tungkol sa isang paksa ay hindi kabilang sa ilalim ng paksang inyong tiningnan. Ang salitang nasa tipong italica na tingnan sa ang tutukoy sa inyo sa paksang katatagpuan ng kaalaman.
Paminsan-minsan ang iba pang mga paksa sa gabay ay naglalaman ng kaalaman na nauugnay sa paksang inyong pinag-aaralan. Ang mga salitang nasa tipong italica na tingnan din sa ang tutukoy sa inyo sa mga kaugnay na paksang iyon.
Ang mga sanggunian sa mga banal na kasulatan na makatutulong na inyong maunawaan ang paliwanag ay nasa mga panaklong.
Bawat sanggunian sa mga banal na kasulatan ay pinangungunahan ng isang maikling sipi mula sa banal na kasulatan o buod nito.
Ang salitang nasa tipong italica na tingnan sa (o tingnan din sa) na sinusundan ng gatlang ito ang magsasabi sa inyo na ang kaalaman ay matatagpuan sa isang kaugnay na tala (“Nawalang mga banal na kasulatan”) ng pangunahing paksa (“Banal na Kasulatan, Mga”).