Adamu

Mwanadamu wa kwanza kuumbwa duniani.

Adamu ndiye baba na patriaki wa jamii ya wanadamu duniani. Uvunjaji wa sheria katika Bustani ya Edeni (Mwa. 3; M&M 29:40–42; Musa 4) ulimsababisha “aanguke” na kuwa mwenye kufa, hatua iliyo muhimu kwa mwanadamu kukua hapa duniani (2 Ne. 2:14–29; Alma 12:21–26). Kwa sababu hiyo Adamu na Hawa yapaswa waheshimiwe kwa kazi yao waliyofanya katika kuwezesha makuzi yetu ya milele. Adamu ndiye Mzee wa Siku na pia hujulikana kama Mikaeli (Dan. 7; M&M 27:11; 107:53–54; 116; 138:38). Yeye ndiye malaika mkuu (M&M 107:54) na atakuja tena duniani kama patriaki wa familia ya wanadamu, kama matayarisho kwa ujio wa pili wa Yesu Kristo (M&M 116).

Mungu alimwumba mwanadamu kwa sura yake mwenyewe, Mwa. 1:26–28 (Musa 2:26–28; Ibr. 4:26–28).
Mungu akampa mwanadamu utawala juu ya vitu vyote na akamwamuru aongezeke na akaijaze dunia, Mwa. 1:28–31 (Musa 2:28–31; Ibr. 4:28–31).
Mungu akawaweka Adamu na Hawa katika Bustani ya Edeni na akawakataza wasile matunda ya mti wa ujuzi wa mema na maovu, Mwa. 2:7–9, 15–17 (Musa 3:7–9, 15–17; Ibr. 5:7–13).
Adamu akawapa majina kila kiumbe kilichokuwa hai, Mwa. 2:19–20 (Musa 3:19–20; Ibr. 5:20–21).
Adamu na Hawa waliozwa na Mungu, Mwa. 2:18–25 (Musa 3:18–25; Ibr. 5:14–21).
Adamu na Hawa walijaribiwa na Shetani, wakala lile tunda lililokatazwa, nao wakafukuzwa nje ya Bustani ya Edeni, Mwa. 3 (Musa 4).
Adamu alikuwa na umri wa miaka 930 wakati wa kifo chake, Mwa. 5:5 (Musa 6:12).