Amini, Imani

Kuwa na imani au kutumaini katika mtu fulani au kukikubali kitu fulani kuwa ni kweli. Kama itumikavyo mara kwa mara katika maandiko, imani ni matumaini na mategemeo katika Yesu Kristo ambayo humwongoza mtu katika kumtii yeye, ili apate kuolekewa katika uflame wa Mungu (M&M 20:29). Imani lazima ilenge katika Yesu Kristo ili iweze kumwongoza mtu kwenye wokovu. Watakatifu wa siku za mwisho pia wanayo imani katika Mungu Baba, Roho Mtakatifu, uwezo wa ukuhani, na vipengele vingine muhimu vya injili ya urejesho.

Imani ni pamoja na matumaini juu ya vitu visivyoonekana, lakini ni vya kweli (Ebr. 11:1; Alma 32:21; Eth. 12:6). Imani huwashwa kwa kusikia injili ifundishwayo na wahudumu walio na mamlaka waliotumwa na Mungu (Rum. 10:14–17). Miujiza haizai imani, bali imani iliyo imara huendelezwa na utiifu kwa injili ya Yesu Kristo. Kwa maneno mengine, imani huja kwa maisha ya haki (Alma 32:40–43; Eth. 12:4, 6, 12; M&M 63:9–12).

Imani ya kweli huleta miujiza, maono, ndoto, uponyaji, na vipawa vyote vya Mungu vile ambavyo Yeye huvitoa kwa Watakatifu Wake. Kwa imani mtu hupata ondoleo la dhambi na mwishowe huweza kukaa mbele za Mungu. Ukosefu wa imani humpelekea mtu katika kukata tamaa, ambako huja kwa sababu ya dhambi (Moro. 10:22).

Na ifanyike kwako kama ulivyoamini, Mt. 8:13.
Imani yako imekuponya, Mt. 9:22 (Mk. 5:34; Lk. 7:50).
Na iwe kwenu kulingana na imani yenu, Mt. 9:29.
Kama mna imani kiasi cha punje ya haradali, hakutakuwako jambo lisilowezekana kwenu, Mt. 17:20 (Lk. 17:6).
Na yoyote mtakayoomba katika sala, mkiamini, mtapokea, Mt. 21:22.
Usiogope, amini tu, Mk. 5:36.
Yote yawezekana kwake aaminiye, Mk. 9:23–24.
Aaminiye na kubatizwa ataokolewa, Mk. 16:16 (2 Ne. 2:9; 3 Ne. 11:33–35).
Nimekuombea wewe, ili imani yako isitindike, Lk. 22:32.
Amwaminiye Mwana yu na uzima wa usio na mwisho, Yn. 3:16, 18, 36 (Yn. 5:24; M&M 10:50).
Tunaamini na tuna uhakika kwamba wewe ndiwe Kristo, Yn. 6:69.
Yeye aniaminiye mimi, ajapokufa, atakuwa anaishi, Yn. 11:25–26.
Imani katika jina la Kristo limemtia nguvu mtu huyu, Mdo. 3:16.
Imani huja kwa kusikia neno la Mungu, Rum. 10:17.
Kama Kristo hakufufuka imani yenu pia ni bure, 1 Kor. 15:14.
Imani hutenda kazi kwa upendo, Gal. 5:6.
Kwa neema mnaokolewa kwa njia ya imani, Efe. 2:8 (2 Ne. 25:23).
Itwaeni ngao ya imani, Efe. 6:16 (M&M 27:17).
Mwendo wangu nimeumaliza, imani nimeilinda, 2 Tim. 4:7.
Maana sisi ambao tumeamini tunaingia katika raha ile, Ebr. 4:3.
Imani ni kuwa na matumaini ya mambo yatarajiwayo, Ebr. 11:1.
Pasipo imani haiwezekani kumpendeza yeye, Ebr. 11:6.
Imani, kama haina matendo, imekufa, Yak. (Bib.) 2:17–18, 22.
Tuamini juu ya Yesu Kristo, na kupendana, 1 Yoh. 3:23.

Nitakwenda na kufanya mambo ambayo Bwana ameniamuru, 1 Ne. 3:7.
Bwana anao uwezo kufanya mambo yote kwa ajili ya wanadamu, kama watakuwa na imani naye, 1 Ne. 7:12.
Mishale katika Liahona ilifanya kazi kulingana na imani, 1 Ne. 16:28.
Masiya hatamwangamiza yeyote yule atakayemwamini, 2 Ne. 6:14.
Tubuni, na mkabatizwe katika jina lake, mkiwa na imani kamilifu katika Yeye aliye Mtakatifu, 2 Ne. 9:23.
Wayahudi watateswa hadi watakaposhawishika kumwamini Kristo, 2 Ne. 25:16.
Kristo alitenda miujiza mikubwa miongoni mwa wanadamu kulingana na imani yao, 2 Ne. 26:13 (Eth. 12:12; Moro. 7:27–29, 34–38).
Dhambi za Enoshi zilisamehewa kwa sababu ya imani yake katika Kristo, Eno. 1:3–8.
Wokovu hauji kwa yeyote isipokuwa kwa njia ya imani juu ya Bwana Yesu Kristo, Mos. 3:12.
Kama mnayaamini mambo haya, oneni kwamba mnayatenda, Mos. 4:10.
Mioyo hubadilika kwa njia ya imani juu ya jina lake, Mos. 5:7.
Sala za watumishi wa Bwana hujibiwa kulingana na imani yao, Mos. 27:14.
Mwana atajitwalia juu yake dhambi zao waaminio katika jina lake, Alma 11:40.
Tupe nguvu kulingana na imani yetu katika Kristo, Alma 14:26.
Mlilingane jina la Mungu katika imani, Alma 22:16.
Amebarikiwa yule aaminiye katika neno la Mungu pasipo kulazimishwa, Alma 32:16.
Imani siyo kuwa na ufahamu kamili wa mambo, Alma 32:21 (Eth. 12:6).
Hata ikiwa hamwezi zaidi ya kutamani kuamini, acheni tamaa hii ifanye kazi ndani yenu, Alma 32:27.
Litakavyoanza kumea hata hivyo ndivyo mtalilisha kwa imani yenu, Alma 33:23 (Alma 32:28).
Kulindwa kwao kulitokana na uwezo wa kimiujiza wa Mungu kwa sababu ya imani yao iliyopita kiasi, Alma 57:25–27.
Kadiri wengi watakavyoangalia juu kwa Mwana wa Mungu kwa imani watapata kuwa hai, Hel. 8:15.
Kama mnaamini katika jina la Kristo, mtatubu, Hel. 14:13.
Wale waaminio katika Kristo huamini katika Baba pia, 3 Ne. 11:35.
Ninaona kwamba imani yenu inatosha kwamba ningewaponya, 3 Ne. 17:8.
Kamwe mwanadamu hajapata kuamini katika Bwana kama kaka wa Yaredi alivyofanya, Eth. 3:15.
Imani ni mambo yanayotarajiwa na hayaonekani, Eth. 12:6.
Wote waliofanya miujiza waliifanya kwa imani, Eth. 12:12–18.
Kama wanayo imani nami, ndipo nitafanya mambo dhaifu kuwa imara kwao, Eth. 12:27–28, 37.
Mormoni alifundisha juu ya imani, matumaini, na hisani, Moro. 7.
Kila kitu kinachokushawishi kuamini katika Kristo kimeletwa kwa uwezo wa Kristo, Moro. 7:16–17.
Kitu chochote mtakacho mwomba Baba katika jina langu, kilicho chema, katika imani mkiamini kwamba mtapata, tazama, itafanyika hivyo kwenu, Moro. 7:26.
Walio na imani katika Kristo watashikilia kwa kila kitu kilicho chema, Moro. 7:28.
Kama mtaomba, mkiwa na imani katika Kristo, yeye atakufunulieni ukweli, Moro. 10:4.

Wale waaminio katika neno la Bwana watapewa mawasiliano ya Roho, M&M 5:16.
Pasipo imani huwezi kufanya chochote; kwa hiyo ombeni kwa imani, M&M 8:10.
Itakubaliwa kwao kulingana na imani yao katika sala zao, M&M 10:47, 52.
Wale waaminio katika jina la Bwana watakuwa wana wa Mungu, M&M 11:30 (Yn. 1:12).
Wanadamu wote lazima wastahimili katika imani katika jina lake hadi mwisho, M&M 20:25, 29.
Roho atatolewa kwenu kwa sala ya imani, M&M 42:14.
Kwa wengine imetolewa kuamini juu ya maneno ya wengine, M&M 46:14.
Ishara huwafuata wale waaminio, M&M 58:64 (M&M 63:7–12).
Imani haiji kwa ishara, bali ishara huwafuata wale waaminio, M&M 63:9–12.
Wazazi watawafundisha watoto wao imani katika Kristo, M&M 68:25.
Tafuteni maarifa, hata kwa kujifunza na pia kwa imani, M&M 88:118.